الرئيسية / الشعر الشعبي / شهر الخير .. راشد شرار .. الامارات

شهر الخير .. راشد شرار .. الامارات

image


هل شهر الخير واحنا في نعيم ..
مرحبا به ونحمد الله ونشكره ..
يعل ثوب العافيه دايم مديم ..
يكتسي كل جسم غالي ويستره ..
عاد واحنا بخير من فضل الكريم ..
في سعاده والامور اميسره ..
العظيم المعطي الحق الحليم ..
قابل التوبه متى نستغفره ..
به تعوذنا من إبليس الرجيم ..
وحلمنا دايم ننال المغفره ..
كلما نخطي نجد ربٌّ رحيم ..
وكلما نسهى نعود ونذكره ..
من هدانا للصراط المستقيم ..
وكل مخلوقٍ ورزقه قدره ..
برمضان اتنزل الذكر الحكيم ..
وانت ياغافل تعال ادبّره ..
فيه عاش النور للعقل السليم ..
ومن نهج خلف الهدايه ينصره ..
وفيه ذكرى للرجال وللحريم ..
حظ منهو غاص به واتفكره ..
درب للجنه ومسلك للجحيم ..
وكل قلب وله طريقٍ يعبره ..
جنته للي رحل ماله خصيم ..
حث معروفه وناهي منكره ..
والجحيم اختارها العبد الغشيم ..
لي قضى عمره لهو ثم غشمره ..
وأسألك يارب تجعلني عقيم ..
من ذنوبي قبل عبدك تحشره ..
……………………

شاهد أيضاً

نظرة عيونها .. محمود الضوّات .. الأردن

… فديت طلة نظرة عيونها السود لا سلهمت تاخذ من القلب نصه من قوس حاجب …