الرئيسية / الشعر الشعبي / يا هايمة .. حميد النومسي .. السعودية

يا هايمة .. حميد النومسي .. السعودية

ياهايمه يامروضة شرد العيف
من منبع الشعر الأصيل وجزيله
يابنت قومن تكرم الجار والضيف
اهل البيوت الشامخات الضليله
انا من البارح بصدري مجاديف
تسبح بغبات البحور المهيله
ادوايها مثل المزون المراديف
الي شعا برقه كشف ستر ليله
ورجافها بقصا الضلوع المهاديف
ارجاف خيل الي يهز الدبيله
مدلهة شقح البكار المشاعيف
اهل الرماح العلط وهل الصقيله
نوامسه يوم اصتفاق المغاريف
شرابة الماء بلحبال الطويله
خلي كلام مجمعين السواليف
اهل العقول الناقصه والهزيله
عاداتنا ماتقرب العيب والحيف
نشوم عن درب الردء والفشيله
مافيه جرح اقو من جرحة السيف
الا مثل جرح الخليل لخليله
هاذا الكلام ولا يبي العلم تعريف
عند العقول الراجحات الثقيلة
حقايقن ماولفوه الملاقيف
اهل العلوم الي بلي حصيله
ليوم ضرف واليالي صواديف
ويبقا الزمن مابين عدله وميله
اما جمع عدوان ولا مواليف
ولا دمر وجه الحياه الجميله

…………………………………

شاهد أيضاً

مصر العروبة .. حمد المر المهيري .. الإمارات

… 6أكتوبر . . مصر العروبه حلفنا وطوق النجاة تقديرها محفوظِ في دار الظّبي في 6 …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *