الرئيسية / الشعر الشعبي / فى سيرة خير الأنام الهاشمى .. حمدي عبد الفتاح .. مصر

فى سيرة خير الأنام الهاشمى .. حمدي عبد الفتاح .. مصر



__مُفتتح ___
الملسمين بيصلوا
على رسول الله
من اول الاسلام
الى ما شاء الله
وأنا بصلى عليه
وبهدى من ورحى
مليون تحية اليه
وانا بس هبقى ايه
قدام رسول الله
اللى اله الكون
ف علاه بصلى عليه
من قبل فرض صﻻه
وامر جميع خلقه
دايما يصلوا عليه
يارب إلهمنى كلام
امدح بيه النبى
—-
من قبل أدم وانت
يا نبينا نور بضوى
ف علوم وملك الله
سبحانه جل علاه
جعلك شفيع لينا
ورحمه لنا مهداه
وقال انك حبيبه
صلى عليك فى الغيب
من قبل فرض صلاه
وقرن اسمه بإسمك
مكتوب على عرشه
لا اله الا الله
محمد رسول الله
وكل نبى بيبشر
بأمر م الرحمن
وبشارته رايحة اليك
نبى آخر الزمان
يا خير خلق الله
يا رحمته لينا
تدعى و تهدينا
لطريق ينجينا
وأنت أعظم نبي
الهمنى يارب كلام
امدح بيه النبي

ام النبى ف منامها
جالها ملك طمنها
وبقت من المُسعدين
قالها انت حملتى
بخير خلق الله
رسول العالمين
علمها كلام مبارك
بركات الدنيا فيه
يا آمنة اتذكرى
يوم مولده ترقيه
وتقولى بسم الواحد
أرقيك من كل حاسد
ينظر اليك بالشر
ولا تخافى عليه
حيكون فى الامة السيد
وكمان سميه محمد
دا ربه اللى مسميه
أم النبى مرتاحه
وحياتها نور وسماحة
اخلاق وتقوى ودين
م الحمل مش تعبانه
لكن كانت فرحانه
بالبشرى والجنين
اتصورت مولودها
اللى ح يسعد وجودها
واملها تشوفه بعينها
وتشيل روحها على ايدها
واهى صابرة بالحنين
وف يوم تانى فى منامها
انواره خرجت منها
شافت بعينها ف لحظة
أركان العالمين
قالت يا سعد عمري
ابنى ح يكون مبارك
ومنارة للتايهين
يصلح حياة العرب
من بعد جهل سنين
وح يبقى روح الأمة
ونور للدنيا بحالها
وسراج للمهتدين
يا رب يا خالق لينا
بالرحمة عشان تهدينا
اغلى وأعظم نبى
الهمنى يارب كلام
أحكى عن النبى
—–
وضعت آمنة مولودها
أطهر مخلوق ف الكون
كامل مكمل أحمد
ف الشكل والمضمون
بشرت الجد بإبنه
ضمه فى صدر حنون
قالها كامل لوصاف
دخل به الكعبة وطاف
ودعاله استبشر بيه
أم النبى بترقيه
وبتذكر اسم الله
ف كل لحظة عليه
حلت بركات حواليه
والدنيا بيه فرحانة
أفراح ما تشوفها عينها
يارب يا خالق لينا
بالرحمة عشان تهدينا
اغلى وأعظم نبى
الهمنى يارب
أحكى عن النبى

ألفين صلاه على اللى
كان نور ف وش أبوه
وهو ف علم الاله
وكان حمله ووضعه
خفيف وكان مريح
ماقالتش امه الآه
زلزل عروش فى مهده
وكل مين يشاهده
يتعجب من سكينته
يتأمل ف ابتسامته
ويقول سبحان الله
مولود كامل مكمل
بهر الكل بصفاه
مولود وحيد موحد
سماه ربه محمد
محمود فى العالمين
بركاته فى عام ميلاده
كانت أجمل بشارة
قالت الفيل وجيشه
وأبرهة اللعين
قصدوا الكعبة بسوء
لكن الله هزمهم
وقتلهم بالحجارة
والطير بأمر ربك
نجا الحصن الحصين
كانت بركة نبينا
فى مكة والمدينة
بتمهد للنبي
يارب يا خالق لينا
بالرحمة عشان تهدينا
اغلى وأعظم نبى
الهمنى يارب
أحكى عن النبى

وبعد ما مات أبوه
نور دنيتنا نوره
يتيم الأب لكن
الله يسر أموره
والام تموت كمان
ودى ينبوع الحنان
عشان الله بفضله
يتولى كل أمره
ويزيد فى اليتم خيره
ويابخته اللى ربه
يبقى وياه فى دربه
ويوفق له مسيره
كانت حليمة هيه
الطاهرة والوفيه
اللى لبنها هيسرى
جوه جسمه المبارك
وف لحظة لما شافت
جمال الدنيا كله
حست بدى المشاعر
اللى ما يوصفها شاعر
من حب وشوق ورحمه
وكان شعورها إنه
بركه ونور ونعمه
وانه ضيف كريم
وحست ان ربه
دايما موجود معاه
وتحل بركته دايما
تمشى ف ضله وخطاه
البركة فى الاماكن
البركة فى اللى ساكن
والبركة فى اللى زاره
يارب يا خالق لينا
بالرحمة عشان تهدينا
اغلى وأعظم نبى
الهمنى يارب
أحكى عن النبى

………………….

شاهد أيضاً

يا هايمة .. حميد النومسي .. السعودية

… ياهايمه يامروضة شرد العيف من منبع الشعر الأصيل وجزيله يابنت قومن تكرم الجار والضيف …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *