مجلة شعلة الإبداع إبداع يبني أمم
مقالات مشابهة
…
كل الهموم متلونة
على شكل بسمة مهونة ..
حبة جراح.
بس الاساس
فى الضحك دة لمسة عذاب
متكونة جوة الفؤاد
حتى المراد من كل دة
مبقاش مراد
اسف يا روحى دى مرحلة ..
دا انا وانتى روحنا فى مقبرة ..
اصل النصيب
حالف عليا اعيش غياب
وقت الحضور
حالف كمان عند اللقا
اكون بهاله م الكرامة و م الغرور
مانع كمان
دمعى انة ينزل من عيونى
كفضفة جوه السطور
كنت بحلم
همى ينزل عن كتافى
لما المح طرف بابك
وكمان حلمت
بدمعى ينزل بين ايديكى
لما اكون محتاج حنانك
واشتاق لحضنك لما نبعد
عند ليلة برد قاسية
وكمان حلمت
تكوني ليا ارض خالية
واعيش عليكى
تكونى اكتر حاجة غالية
ولما شفتك فى المنام بتقربى
فرحت جدا وابتسمت
فسرحت نمت حلمت بيكى
بتبعدى وانا ناسى انى فى المنام
فصحيت لقيتك جانب منى مقربة
فصحيت لقيتك مش هنا
اصل النصيب حالف عليا
اعيش غياب وقت الحضور
مانع كمان عند اللقا
دمع انة ينزل من عيونى
كفضفضة جوه السطور
كل الهموم متلونة
على شكل بسمة مهوبة
حبة جراح
……………………
