الرئيسية / الشعر الشعبي / ضل الأمل .. على المرسي .. مصر

ضل الأمل .. على المرسي .. مصر

67069_194199487370609_2117083113_n

الموج بينده ع اللى سامعينه

وأنا وانتى ف دموعنا بنتمشى

راسمين حكاية حب ف الكواليس

ياااه ع الثوانى الحلوة لو تصدق

والليل أبو السروال طويل يقصر

ويسمعنا مشاعرنا

يمكن تشبه الصلوات

قُداس ومحراب ع المشاع تراتيل

ذكراك هابيل

إعلان ميلاد الخوف

والعتمة والأشباح

أرواح بتتلاقى بدون مواعيد

ليه لما أشوفك بنتفض ساكن

وانتِ اللى زيك محسوبين مساكين

ضل الأمل على كفك النونو

زى اختصار الوقت للمسافات

عاشق زوايا النور ف شِبّاكك

مزروع حنانك جوا أوصالى

وأنا غصب عنى الغربة عنواني

وصّيت ف سطر كتبته للمرسال

يبكينى رغم التوهه والترحال

أرض الخصوبة البكر يا أنتِ

يا ضحكة تشبه ضحكتي بالذات

هتف الغريب واتمد حبل الشوف

وأنا وأنتِ لسّانا بنتمشى .

……………..

شاهد أيضاً

يا هايمة .. حميد النومسي .. السعودية

… ياهايمه يامروضة شرد العيف من منبع الشعر الأصيل وجزيله يابنت قومن تكرم الجار والضيف …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *