مجلة شعلة الإبداع إبداع يبني أمم
مقالات مشابهة
سقط عمدا كام مدينة
و العصافير الحزينة
أصبحت وجبة ألم
للى علق ليها فخ
و اللى وقت الشدة نخ
و اللى ويا الظلم شارك بالقلم
ريش مبعتر و الجناح مصلوب مكسر
و الفضا مقفول مسكر
يا ترى
ياللى انت ظالم ايه شعورك
لو مكان اللى اتظلم
سقط عمدا باب ملخلع
كان بيستر فى اللى يخلع
انهو أبشع !!
جامعة الدول اللى فتتها الزمن
و لا طفلك تحت بيته بيندفن
قد ايه تقهر و توجع
لما عين الموت تلاحقك
و انت عينك ع الوطن
سقط عمدا الكرامة .. و الشهامة ..
و المواطنة و الإخاء
يا سلالة الأنبياء
من فلسطين الجريحة للعراق .. لليمن
من صراخ سوريا الذبيحة
اللى شابت م المحن
ألف اااااه كل مرة بتقتلونى ..
تتولد منى الحياة
تبت الإيد اللى لفت
كل أحلامنا ف كفن
سقط عمدا
………
