أخبار عاجلة
الرئيسية / الشعر الشعبي / داءْ النِسا .. أماني سعيد محفوظ .. مصر

داءْ النِسا .. أماني سعيد محفوظ .. مصر

14793919_10211334891873745_362512752_n

شئ طبيعي كل ما اكْبَر
هرموناتي معاية تكْبَر
بس بعد الأربعين
شكل تاني..
يوم مزاجي لما يقِلِب
ولاّ الحزن علَيّه يغلِب
إعرف ان هرموناتي
مرة تصْدَق مرة تكْدب
في السعادة والألم..
إكتئابي
انسحابي
أو بكايا بالساعات
لحظة تبقى الدنيا سودا
وابقى مش طايقة السكات
كل ده.. من هرموناتي
مرة اَزَعق
مرة اصَرَخ
مرة أكسَر فيها نَفْسي
قبل ما اكسَر الحاجات
كل ده.. من هرموناتي..
هرموناتي شريط عريييييض
فوقه تتسجل حياتي..
أنا مش خجلانة انا لازم انطق
وانت المفروض تتصاب بالوعي بالفهم
تبقى مُدرك إن انا
مش صورة من صُوَر الخَبَل
ولا سعادتي المفرطة والإكتئاب
حالات يزينها الهَبَل..
ده انا سِتْ..
أنا سِتْ حِملي كالجبل
واَللّهْ ف سماه اَللّهْ ف سماه
لو حَمِلُوك كام جُزء مني
لا تنِخ راكع كالجَمَل..
أستروجيناتي
مع سِيراتوناتي
والخلل ف هرموناتي
هما دول أسرار حالاتي
فُكُهم تفهم حياتي..
ده انا طُولّت الصبر وعَبيته
علشان معاليك
مش طايق كام يوم جوه الشهر
مَبَكُونش انا ليك..
إلهي يا شيخ مرة تجرب
عشان اَفْرَح فيك..
آه بَجُر ف شَكَلَكْ
واتعَصَبْ
وبشِد ف شَعري كمان م الغيظ
ولا عندي سبب..
مش علشان هبلة ومجنونة
ولا عقلي لَدَع
إفهم تأثير أستروجيني
وده مش صيني
ولا ضرب وَدَع
تِقْدَر يا جدع؟!
……………………

شاهد أيضاً

يا هايمة .. حميد النومسي .. السعودية

… ياهايمه يامروضة شرد العيف من منبع الشعر الأصيل وجزيله يابنت قومن تكرم الجار والضيف …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *