الرئيسية / الشعر الشعبي / الساحره .. أحمد السندباد .. مصر

الساحره .. أحمد السندباد .. مصر

13346686_881852368591643_2809859684566335316_n

أيه اللى شدك نحوها ؟

روح قول لها

يمكن بهاها وحُسنها

ولا الورود على خدها

ولا قوامها وقدها

أسكت بقى …

دى عيونها تشبه للمها

مع أنها

بتوبها الحزين متلفعه

لكنها

لما بتبدأ فى الكلام

الكل لازم يستمع

وكأن طير فوق الرؤوس

لما العيون تيجى فى العيون

ليه بتهرب منها

أسألها عن برد الشتا

ورد الربيع

الشاى خفيف

طب سكرك كام معلقه

واحده علشان الرجيم

مع أن مقاييس الجمال

مرسوم تمام على قدها

أهديها حتى ملبسه

أهدى قصيده أو ديوان

أبعت رسالة قصيره

عجبك ديوانى يا ….

أنتى مجامله بالآوى

ها أكتب فى عينك والقوام

سبعين ديوان !!

وهاتوجك تبقى آلهه للجمال

واللى ما يؤمن أجلده !!

يا صاحبة الصُون والعفاف

لو تسمحى …

أنا باقى عمرى أعشقك

وأموت على صدرك شهيد

وتعوضينى سنين عِجاف

 

شاهد أيضاً

نظرة عيونها .. محمود الضوّات .. الأردن

… فديت طلة نظرة عيونها السود لا سلهمت تاخذ من القلب نصه من قوس حاجب …