الرئيسية / الشعر الشعبي / الدور على مين .. هالة عصفور .. مصر

الدور على مين .. هالة عصفور .. مصر

1430049853692243000

 

….

الدور على مين
والضربه القاضيه بتيجى منين
استرها يارب
الخيط بيكر
وكاسات المر
تدور بالدور
على كل بلادنا وكل الدور
وصوان العزا منصوب على طول
والناس فى بحور الدم طابور
مستنين
الدور على مين
ومصير الكون
ف إدين شياطين
وما حدش فاهم
مين على مين
او مين مع مين
عميان ساحبين عميان
منطق بلا دين
الدور على مين
واخرنا نغير صورة الفيس
ونشير بوست
والله يا دم الخلق رخصت
الاخر بان تعتيم خزلان
عاملين من بنها واحنا جيران
طنش لتموت محروق م الخوف
طنش لتموت ف الموت غرقان
ركز هتموت هتموت
كاش او بالقسط

……………………

شاهد أيضاً

نظرة عيونها .. محمود الضوّات .. الأردن

… فديت طلة نظرة عيونها السود لا سلهمت تاخذ من القلب نصه من قوس حاجب …