الرئيسية / الشعر الشعبي / اسماعيليه .. شوقي عبد الوهاب .. مصر

اسماعيليه .. شوقي عبد الوهاب .. مصر

20160929_14135022

الشيخ محمد لابس هدومه الخيش

بيلف شوراعنا القديمه

والشيخ حنيدق مطرحه

عايش ف احلامنا العديمه

بابا استراتى كان لسه بيبيع خمره

وابو سمره بيبيع فول

ونصر ماشى بيقول اروح

لا شوفته روح ولا غير جلابيته الكستور

يا مدينه قطر المحطه

لسه قاسم نصك المكسور

وبدور حوالين الممر

لاجلن ما اخش نصك التانى

كل الامانى العايشه جوايا

اكسر حدود السور

ولا اتشعبط على حبالك

انت وجمالك مولودين فيا

من صغر سنى

وانا بامشى م العراشيه

لحد ما اوصل بابور النور

شريطين قضيب القطر

علم على عمرى

وانا اللى نفسى اركب الحنطور

…………………………

 

شاهد أيضاً

نظرة عيونها .. محمود الضوّات .. الأردن

… فديت طلة نظرة عيونها السود لا سلهمت تاخذ من القلب نصه من قوس حاجب …