الرئيسية / الشعر الشعبي / إلى الجندى المجهول .. محمد علي النجار .. مصر

إلى الجندى المجهول .. محمد علي النجار .. مصر

مش مهم اسمك إيه
لكن المهم
إنك قدرت تمد خطوه
تعدى بيها المستحيل
قدرت مره تمد شوفك جوه بكره
وتخطف الأحلام بعنف
غسلت حزنك بابتسامة النصر
لما عبرت يومها حدود سكاتك
خدت تارك القديم
من الأبالسه والقرود
خلوك تمزّع
توب غناوى اليأس فيك
وقلت يومها موت يا خوف
هاحط بصمة دمى
فوق لحمك واموت
والكل عدّى جنب قبرك
بالتحيه والسلام
مش مهم اسمك ايه
لكن المهم
انك حفرت فى القلوب
أجمل وسام.
……………….

شاهد أيضاً

مصر العروبة .. حمد المر المهيري .. الإمارات

… 6أكتوبر . . مصر العروبه حلفنا وطوق النجاة تقديرها محفوظِ في دار الظّبي في 6 …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *