مجلة شعلة الإبداع إبداع يبني أمم
مقالات مشابهة
…
لومرورآ صوب حيك مايسبب لك كلام
ودي كل ساعه أمرمن قدام دارك
اتأمل فيك زينك يا بعد كل الأنام
نرجسك كاذيك فلك لول سنك في محارك
لول خوفي من عيون الناس وصحاب الملام
كان أبات الليل كله عند بابك بانتظارك
أتعذر بأي شي أمر وطرح سلام
يمكن اني من بعدها أمسي من أصحاب جارك
كل هذا ياغرامي عنى جور الغرام
كل هذا ياجروحي من ورى سطوة قرارك
واقفآ بين الضلوع الممحله وسط الزحام
وانتي لاتبدي اهتمام ولاتخفف من وقارك
بس اصد طعون وقتي ونفذت بعض السهام
شققتني وانت تبخل عن مماتي بعتذارك
ليه دام الليل يطري من قضى عمره ظلام
ما تمد النور برهه يم ليله من نهارك
والله انك لوتجيني بسيف حولني حطام
تظرب وكلي ينادي ياعسى يطول انتصارك
أحمس حروف القصيدة وسحن بهار الكلام
قمت أقهوي بك قصايد وفرح بطول انبهارك
وان لفاك البرد قولي لاتصكين اللثام
والله اني ياضلوعي لاحطبك وشب نارك
انتي يلي نور وجهك يمنح حروب وسلام
لا بتسمتي زاد سلمي وان زعل قامت معارك
حدها بيني وبينك للرضأ والاحتدام
لا نعيش الشوق كله اومماتي ونتحارك
وانتي لوجيتك عليلآ طيف يغنيه المرام
لا تخفف من صواب ولاتهلي بطيف زارك
أرحمي من صار برده ينخر باقي العظام
لا تقهويتي من غلاه ولا تقهوى من مرارك
وفهمي طبع الهوى في نظرة عيون الكرام
لو بكيت الدمع دمعك ما أحمل معنى أنكسارك
…………………………….
